ZIENTZIA- FIKZIOA

Generoaren ezaugarriak

Zientzia- fikziozko kontakizunak narrazio fantastikoak dira, zientziak eta teknologiak gizartean eta gizakiarengan duten eragina aztertzen dutena.

Beldurrezko, abenturazko nahiz misteriozko argumentuek dute lekua.

Oro har, zientzia- fikziozko kontakizunetan gehien errepikatzen diren gaiak hauek dira:

• Etorkizuna: Etorkizuneko bizimodua gaitzat duten kontakizunetan irudi apokaliptikoa izaten da batzuetan; beste batzuetan, ordea, irudia utopikoa eta ideala da.


• Aurkikuntza eta asmakuntza zientifikoak: Batzuetan asmakizun edo aurkikuntza horiek errealak dira, baina beste batzuetan fikziozkoak, adibidez: denboraren makina, robotak eta humanoideak, klonazioak,...


• Estralurtarrekiko harremanak: Gehienetan areriotzat hartzen dira.


• Espazioko bidaiak.

Zientzia- fikzioaren sorrera eta bilakaera

Askoren ustez, zientzia- fikziozko lehen lana Frankenstein edp Prometeo berria izenekoa zen, Mary Shelleyk 1818. urtean idatzia.

XIX.mendean, zientzia- fikzio modernoaren oinarriak jarri zituzten eta bi egile nabarmendu ziren: Jules Verne eta H.G. Wells.

• Jules Verne: Hogei mila legoako bidaia ur azpitik (1869) eta Lurretik Ilargira (1865).


• H.G. Wells: Denboraren makina (1895) eta Munduen gerra (1898).

Alabaina, generoa XX.mendean indartu eta garatu zen. Izan ere, zientzia- fikzio terminoa bera mende horretan sortu zen; 1927.urtean, hain zuzen. Mende horretan sortutako zenbait lan eta egile aipatzearren, hauek ekarriko ditugu gogora:

• Aldous Huxley: Bai mundu berria (1932).


• George Orwell: 1984 (1948).


• Ray Bradbury: Kronika martetarrak (1950).


• Isaac Asimov: Eternitatearen bukaera (1955).